|
| | | اتصلى بالبوليس يا زينب ,,,,, |  |
| | | كاتب الموضوع | رسالة |
|---|
khaled
المدير العام
  عدد المساهمات : 731
تاريخ التسجيل : 16/04/2009
العمر : 35
الموقع : khaled4u.blogspot.com
المزاج : رومنسى
 |  موضوع: اتصلى بالبوليس يا زينب ,,,,,  الأحد يوليو 19, 2009 1:34 am | |
| آخيرا وبعد طولعنــــاء قرر العبد لله اتخاذ قرار من شأنه ان يغير طريق حياتىبشكل جزرى ... لقد قررت ..
اتجوز !!
طبعا عريس زيى يعتبر لقطة لأى بنت ... يعنىتلاقى فيا مواصفات نادرا لما تلاقيها فى اى متقدم للزواجفأنا على سبيلالمثال لا الحصر طبعا ... عاطل + شحات + فقرى !!
اظن ان دى مواصفات يصعب علىاى عائلة تبحث عن النسب الأصيل ان تجدها فى غيرى الا فيما ندر ... ومن هذا المبدأفقد تشجعت لهذه الخطوة الجريئةمبدئيا كدة ... بم انى عاطل .. فأول حاجةهافكر فيها عشان اقدر اتجوز ... هى مصدر اعتمد عليه للصرف على تكاليف هذا الفيلم ... وطبعا بدون تفكير لم اجد نفسى الا وانا انطق اسم واحد فقط ... ابويا !!
بعد تكتكه ومخمخمة لأيجاد طريقة للدخول بها لوالدى العزيز لأقناعةبالمسألة بدون خسائر مادية او روحية ( مين روحية دى ؟!! ) ... جاء أخيرا اليوم الذىاخترته لأفاتحه فيه بالموضوع ... ففى هذا اليوم استيقظت باكرا ... باكرا جدا ... قبل ان يستيقظ اى شخص فى منزلنا الموقر ... وانتظرت كثيرا حتى استيقظ الوالد ( طلعنومه تقيل اوى !! )
فتح والدى باب غرفته وهم بالخروج وهو يدعك بكلتا يديه فىعيناه ليجدنى فى وجهة مباشرة !!
ابويا : حراماااااااى ... حرامااااااااااااااااى ... اطلبى البوليس يا زينب ... يا زينااااااااااااااااااااب ... انا مش هاسيبك الا فى القسم يا نصاب .. هى العملية ناقصة ... جاى تسرق غلابة ياأهبل ... طب روح اسرق المعلم سيد اللى فوقينا .. اهو هاتلاقى عنده حاجات كتير تتسرق ... انما احنا هاتسرق من عندنا ايه .. كباية شاى ولا رابطة بقدونس ... تعرف اناهاسلمك للبوليس مش عشان انت نصاب لأ .. انا هاسلمك عشان انت اهبل ... عارف يعنى ايهاهبل ؟؟انا محاولا التخلص من قبضة السيد الوالد : استنى يا زينب .. اوعىتقربى من التليفون ... يخربيت اللى يزعلك ... انا ابنك يا حاج !!
ابويا : كداب انا ابنى صايع ومابيجيش البيت قبل الضهر ... العب غيرها يا نصاب ... ياحراااااااااااااااامى ... مش هاسيبك الا فى القسم !!
انا ممسكا بالنظارة : طب خد بس يا باشمهندس البس دى وركز كويس !!
ابويا بعد ما لبس النضارة : ايهده ؟!! ... انت ايه اللى مقعدك فى البيت الساعة دى ... يبقى اكيد عملت مصيبة برةوجاى تستخبى هنا يا صايع ( وراح ماسك فيا تانى ) .. المرة دى بقى انا اللى هاسلمكللبوليس بأيدى ... انتى لسه ما اتصلتيش بالبوليس يا زينب ؟؟!!
امى : خلاصبقى يا حاج اهدى شوية خلينا نشوف فى ايه ... وانت يا مدعوق ... ايه اللى رجعكالساعة دى ؟!!!
انا : هو في ايه .. مش بيتنا ده بارضو ... ولا ده بيتالسلاحف ... ولا ايه ؟!!
طرااااخ ( قلم على الهوا !! ) .. وراح قافش فىهدومى تانى !!
ابويا : بيتك ؟؟ ... هو اللى زيك ليه بيت يا صايع .. دهالسلاحف بتقعد فى بيتها على طول ... انما انت برة البيت على طول يا متشرد ... آلسلاحف آل ... جاك سلاحف نينجا لما تبقى ترميك فى بلاعة كهربا يا بعيد !!
انابنرفزة : جرى ايه يا حاج ... ما تهدى شوية .. وشوفنى جايلك فى ايه ... الله؟؟!!!
امى : خلاص خلاص يا حاج اقعد كدة وروق .. وشوف ابنك عايز ايه منك .. على ما أروح احضرلكوا الفطار ... ربنا يهدى سركوا ...
بعد مرورساعة او ازيد تقريبا من الشد والجذب ... تخللها الفطار المصرى الشهير .. الفولوتوأمه الطعمية .. ثم كوباية الشاى بالنعناع البلدى ... تمت السيطرة على والدىالمبجل .. وهدأت الحرب المشتعلة وحصلنا على هدنة والحمد لله !!
ابويا : أدينا يا سيدى فطرنا مع بعض على غير العادة .. وحبسنا بكوباية الشاى كمان ... ممكنتقولى عايز ايه ... وايه اللى كان موقفك قدام باب الاوضة من طلعة الشمس زى الحرامىاللى مخلص شغله وماشى كدة ؟!!
انا : شوف يا حاج ... بدون مقدمات .. واحراجوكلام ورغى كتير ... انا هادخل معاك دوغرى !!
ابويا : تعجبنى !!
انا : أنا عايز اتجوز !!
ابويا : أطلبى البوليس يا زينب !!
انا : يوووووه ... ايه يا حاج ... انت ليك حد واحشك فى القسم ولا ايه ... هو كل جملة مفيدة نقولهالازم تتختم بالبوليس ؟!!
ابويا : ما هو لما مايبقاش عندك دم للدرجة دى ... ووصلت للمرحلة دى من الاوعى ... يبقى لازم أطلبلك البوليس عشان ياخدوك فى الحجزيفوقوك بكام قلم !!
ولكن القصه لم تنته عند هذا الحد خليكوا معانا ومتغيروشالموضوع | |
|  | | DODO
المشرفة العامة
  عدد المساهمات : 451
تاريخ التسجيل : 28/04/2009
العمر : 35
المزاج : زفت
| | موضوع: رد: اتصلى بالبوليس يا زينب ,,,,, الإثنين يوليو 20, 2009 10:21 pm | |
| هههههههههههه جامده وعايزين البقيه | |
| | | | sweety barby
عضو مميز
عدد المساهمات : 120
تاريخ التسجيل : 17/04/2009
| | موضوع: رد: اتصلى بالبوليس يا زينب ,,,,, الثلاثاء يوليو 21, 2009 1:37 am | |
| تحفة بجد ياخالد خطيرة اما ييجي الجزء التاني ابقي عرفنا | |
| | | | khaled
المدير العام
عدد المساهمات : 731
تاريخ التسجيل : 16/04/2009
العمر : 35
الموقع : khaled4u.blogspot.com
المزاج : رومنسى
| | موضوع: رد: اتصلى بالبوليس يا زينب ,,,,, الخميس يوليو 23, 2009 12:47 pm | |
| شكرا على مروركم ويارب تكون نالت اعجابكم وانتظرو الجزاء الثانى | |
| | | | etoo440
عضو مميز
 عدد المساهمات : 178
تاريخ التسجيل : 12/07/2009
العمر : 34
المزاج : متقلب
| | موضوع: رد: اتصلى بالبوليس يا زينب ,,,,, السبت يوليو 25, 2009 12:29 pm | |
| جامده يا خلود
بس ايه حكايه الحاج الوالد
هو احتمال بياخد من البوليس نسبه على كل اتصال تعمله زينب
اهو برضه ينفع ويستنفع
سلاااااااااااااااااام
بس يا ريت تكمل الاجزاء | |
| | | | | | اتصلى بالبوليس يا زينب ,,,,, | |
|
مواضيع مماثلة |  |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|
